Tirthacintamani 9.p148
Tīrthacintāmaṇi 9.p148
- Language
- Sanskrit
9.p148
'gaṅgā-yamunayostīre payoṣṇyāmamarakaṇṭake | narmadāyāṃ gayātīrthe sarvvamānantyamaśrute || eṣu tīrtheṣu yacchrāddhaṃ tatkoṭi-guṇamiṣyate | gaṅgāyāṃ yatkṛtaṃ tantu śraddhayā cāpavargadam || oṃ adya gayāśrāddha-vṛṣotsarjajanyaphala-samaphalaprāptikāmo gaṅgāvīcisaṃsiktatīre śrāddhamahaṃ kariṣye | oṃ adya tīrthagamana-śarīrapariśodhana janyaphalasamaphalaprāptikāmo gaṅgāsamope śrāddhamahaṃ kariṣye | oṃ adyānantapitṛtṛptikāmo gaṅgātīre śrāddhamahaṃ kariṣye | oṃ adya śrāddhajanyaphalakoṭiguṇaphalaprāptikāmo gaṅgātīre śrāddhamahaṃ kariṣye | oṃ adyāpavargaprāptikāmaḥ śraddhayā śrāddhamahaṃ kariṣye | oṃ adya varṣaśatatrayāvacchinna-pitṛtṛptikāma idaṃ pāyasaṃ madhugur̤a-sarpiḥsamāyuktaṃ gaṅgāmbhasyahaṃ prakṣepsyāmīti saṅkalpya savyenaiva prāṅmukha upaviṣṭaḥ prakṣipet
Linked texts (2)
- Smṛtīnāṃ Samuccayaḥ — Sanskrit
- Tīrthaprakāśa — Mitramiśra, Sanskrit