Tirthacintamani 9.p147

9.p147

tathā daśabhyo gobhyo daśayavaprasthān datvā matsya-kacchapamaṇḍūka-makara-śiśumāra-ḍuṇḍubha-bhadraka--jalaukaḥ-śambūka-śaṅkhān daśajalacarān rājatān paiṣṭakān vā gandhādibhirabhyarcya gaṅgāyāṃ kṣipet | tato daśa ghṛtadīpān pravāhe dadyāt | sati vibhave gaṅgāpratimāṃ rathamāropya bhrāmayet | tato'dhikaphalāya-oṃ nārāyaṇyai daśaharāyai gaṅgāyai namo namaḥ, iti mantraṃ pañcasahasrakṛtvo japet | atra 'bhavārṇavāpādanapūrvakadaśakuloddharaṇaṃ phalam | atha gaṅgāyāṃ śrāddhaphalam | tatra bhaviṣyapurāṇegayāśrāddhaṃ kṛtantena utsṛṣṭastu vṛṣastathā | yena tadvīcisaṃsikte tīre śrāddhamakāri ca || tasyālaṃ tīrthagamanaṃ śarīrapariśodhanam' | yena gaṅgājale snānaṃ kṛtaṃ śrāddhañca śraddhayā || tathāpitṝnuddiśya yo bhaktyā pāyasaṃ madhusaṃyutam | gur̤asarpiḥsamāyuktaṃ gaṅgāmbhasi viniikṣipet || tṛptā bhavanti pitarastasya varṣaśatatrayam