Tirthacintamani 9.p16

9.p16

tatra brāhme— svamātṛ-pitṛ-dārāṇāṃ kulakoṭīmananta (kaṃ) ram | gaṅgābhakta(kti)stārayate saṃsārāṇam̐vato dhruvam || santoṣaḥ paramaiśvaryyaṃ tattvajñānaṃ sukhātmanā | vinayācārasampattirgaṅgābhaktasya jāyate || kṛtakṛtyo bhavenmartyo gaṅgāṃ prāpyaiva kevalam | tadbhaktastatparaśca syāt mukta eva na saṃśayaḥ || bhaktyā tajjalapakvāśī tajjalaṃ sevate ca yaḥ | anāyāsena hi naro mokṣopāyaṃ sa vindati || dīkṣitaḥ sarvvayajñeṣu somapānaṃ dine dine || sarvvāṇi yeṣāṃ gāṅgeyaistoyaiḥ kṛtyāni dehinām | dehaṃ tyaktā narāḥ śaive pade tiṣṭhanti sarvvadā | skandapurāṇe— tiṣṭhedyugasahasrantu pādenaikena yaḥ sadā | yaḥ saṃśrayedyatheṣṭantu gaṅgāmbhaḥ sa viśiṣyate || mahābhārate— devāḥ somārkasaṃsthāni yathā 'mantrādibhirmukhaiḥ | amṛtānyupabhuñjanti tathā gaṅgājalaṃ narāḥ