Tirthacintamani 9.p28

9.p28

atha kīrttanam | tatra viṣṇupurāṇe— gaṅgā gaṅgeti yannāma yojanānāṃ śatairapi | sthitairuccāritaṃ hanti pāpaṃ janmatrayārjjitam || gaṅgāṃ prakṛtya-mātsye— kīrttanānmucyate pāpāt dṛṣṭvā bhadrāṇi paśyati | avagāhya ca pītvā ca punātyāsaptamaṃ kulam | brahmāṇḍe— 1saptāvarān sapta parān saptā'tha parataḥ parān | gaṅgā tārayate puṃsāṃ prasaṅgenāpi kīrttitā || anicchayā'pi gaṅgāyā yo'sau nāmānukīrttanam | karoti puṇyavāhinyāḥ so'pi svargasya bhājanam || nāradīye— sarvāvasthāṃ gato vā'pi sarvvadharmmavivarjjitaḥ | gaṅgāyāḥ kīrttanenāpi śubhāṃ gatimavāpnuyāt || ayamatraprayogaḥ | oṃ adya janmatrayārjjitapāpakṣayakāmo gaṅgā-gaṅgeti kīrttanamahaṃ kariṣye | ekaviṃśatipuruṣatāraṇakāmo vā| svargabhāgitvakāmo vā| śubhagatiprāptikāmo vā