Tirthacintamani 9.p29

Tīrthacintāmaṇi 9.p29

Language: Sanskrit

9.p29

sparśanam | tatra gaṅgā'dhikāre vārāhe— brahmahā guruhā goghnaḥ spṛṣṭo vā sarvvapātakaiḥ | tasyāstoyairnaraḥ spṛṣṭaḥ sarvvapāpaiḥ pramucyate || oṃ adya mahāpātakādisakalapāpakṣayakāmo gaṅgāsparśanamahaṃ kariṣye | athā'bhilāṣaḥ | tatra bhaviṣye— kadā vakṣyāmi' tāṃ gaṅgāṃ kadā snānaṃ labhemahi | iti puṃsā'bhilaṣitā kulānāṃ tārayecchatam || oṃ adya kulaśatatāraṇakāmo gaṅgābhilāṣamahaṃ kariṣye | atha snānam | tatra viṣṇupurāṇe— snātasya salile yasyāḥ sadyaḥ pāpaṃ praṇaśyati | apūrvvapuṇyaprāptiśca sadyo maitreya jāyate || bhārate— snātānāṃ śucibhistoyairgāṅgeyaiḥ prayatātmanām | vyuṣṭirbhavati yā puṃsāṃ na sā kratuśatairapi

Previous: 9.p28
Next: 9.p30
Up: 9

Linked texts (1)

Nāradapurāṇa — Vyāsa, Sanskrit