Tirthacintamani 9.p30

9.p30

prayataḥ - ekādaśendriyasaṃyataḥ | vyuṣṭiḥ puṇyopacayaḥ | tathā - apahṛtya tamastīvraṃ yathā bhātyudaye raviḥ | tathā'pahṛtya pāpmānaṃ bhāti gaṅgājalocitaḥ || brahmāṇḍeekena snānamātreṇa vidhinā bhaktimānnaraḥ | aśvamedhaphalaṃ sadyo gaṅgāyāṃ prāpnuyād dhruvam || tathā-anekajanmasambhūtaṃ puṃsāṃ pāpaṃ praṇaśyati | snānamātreṇa gaṅgāyāṃ sadyaḥ syāt puṇyabhājanam || tathāanyasthānagataṃ pāpaṃ gaṅgātīre vinaśyati | gaṅgātīrakṛtaṃ pāpaṃ gaṅgāsnānena naśyati || tathārātrau divā ca sandhyāyāṃ gaṅgāyāntu prayatnataḥ | strātvā'śvamedhajaṃ puṇyaṃ gṛhe'pyuddhṛtatajjalaiḥ || sarvvatīrtheṣu yatpuṇyaṃ sarvveṣvāyataneṣu ca | tatphalaṃ labhate sarvvaṃ gaṅgāsnānānna saṃśayaḥ || atra yogasiddhinyāyādanyatamaphalakāmanā adhikāriviśeṣaṇamiti draṣṭavyam | mahāpātakasaṃyukto yukto vā sarvvapātakaiḥ | gaṅgāsnānena vidhinā mucyate sarvvapātakaiḥ || gaṅgāsnānāt paraṃ snānaṃ na bhūtaṃ na bhaviṣyati