Tirthacintamani 9.p47

9.p47

brahmāṇḍe-candra-sūryyagrahe caiva yo'vagāheta jāhnavīm | sa snātaḥ sarvvatīrtheṣu kimarthamaṭate mahīm || smṛtiḥ-indorlakṣaguṇaṃ proktaṃ raverdaśaguṇaṃ smṛtam | gaṅgātīre tu samprāpte indoḥ koṭau raverdaśa || tathā skāndegavāṃ koṭisahasrasya samyagdattasya yatphalam | tatphalaṃ jāhnavīsnāne rāhugraste niśākare || divākare punastadvat śatasaṃkhyamudāhṛtam | vāruṇena samāyuktā madhau kṛṣṇā trayodaśī || gaṅgāyāṃ yadi labhyeta sūryyagrahaśataiḥ samā | śaṅkhaḥ-vaiśākhe śuklapakṣe tu tṛtīyāyāṃ tathaiva ca | gaṅgātoye naraḥ snātvā mucyate sarvvakilbiṣaiḥ || jyaiṣṭhe māsi kṣitisutadine śuklapakṣe daśamyām haste śailātrirgamadiyaṃ jāhnavī martyalokam | pāpāntyāsyāṃ harati ca tithau sā daśetyāhurādyāḥ puṇyaṃ dadyādapi śataguṇaṃ vājimedhāyutasya || brahmāṇḍesaṃkrāntiṣu vyatīpāte grahaṇe candra-sūryyayoḥ | puṣye snātvā tu gaṅgāyāṃ kulakoṭīḥ samuddharet || vyatīpātaḥ sūryyācandramasoḥ krāntisāmyamiti kalpataruḥ || śravaṇāśvidhaniṣṭhādrāśleṣāmṛgaśiro'nyatamayutā ravivārāmāvāsyā iti tu kecit-tadāha vṛhanmanuḥ-śravaṇāśvi-dhaniṣṭhādrā nāgadaivata mastake | yadyamā ravidvāreṇa vyatīpātaḥ sa ucyate || yamaḥ-vaiśākhaśuklapakṣe tu tṛtīyāyāṃ viśeṣataḥ' | gaṅgātoye naraḥ snātvā mucyate sarvvakilviṣaiḥ || padmapurāṇe-mahāpātakasaṃjñāni yāni pāpāni santi me | govindadvādaśīṃ prāpya tāni me hara jāhnavi || govindadvādaśī--phālgunaśukladvādaśī | brahmāṇḍe-pratimāse catuddaśyāmaṣṭamyāñcaiva sarvvadā | pakṣayorubhayoścaiva sarvvaparvvasu jāhnavīm || bhāgīrathīṃ viśeṣeṇa 'tīrthānyāyatanārina ca | samāyānti viśeṣeṇa sarvvapāpaharāṇi ca || ātmano janmanakṣatre gaṅgātoyeṣu bhaktitaḥ | naraḥ snātvā tu gaṅgāyāṃ kulaṃ sarvvaṃ samuddharet