Tirthacintamani 9.p46

9.p46

tatrāpi kṛṣṇā śiṣṭaparigrahāt | tatraiva — amāvasyāṃ śataguṇaṃ sahasrantu dinakṣaye | soma-sūryyagrahe lakṣaṃ vyatīpāte tvanantakam || sūryyācandramasoḥ saṃkrāntisāmyaṃ vyatīpāta iti kalpataruḥ | māsatrayaphalantu syāt phālgunāṣār̤hamāsayoḥ | janmarkṣe tu kṛte snāne gaṅgāyāṃ bhaktibhāvataḥ | janmaprabhṛtipāpaughaṃ sañcitaṃ naśyati kṣaṇāt || tathā bhaviṣye — caturddaśyāṃ yadā yogo vyatīpātena cārdrayā | tadā puṇyatamaḥ kālo devānāmapi durlabhaḥ || tadā yaḥ snāti gaṅgāyāṃ bhaktyā tatphalamāpnuyāt | yatra tatra vipanno'pi gaṅgāmaraṇajantu tat || kṛṣṇāṣṭamyāṃ yadārdrā syād¹ vyatīpātaśca vai tadā | gaṅgāyāṃ durlabhaṃ snānaṃ sa yogo hyatidurlabhaḥ || yo māghe daivayogena sadā snānaṃ vidhānavit | labhate daivayogena jātiṃ smarati paurvvikīm || sarvvayajña-tapo-dāna-phalamāpnoti tatkṣaṇāt | sarvvaśāstrārthavijñāto hyarogaśca tadā bhavet || tathā — saṃkrāntyāṃ pakṣayorante grahaṇe candra-sūryyayoḥ | ²gaṅgāsnāto naraḥ kāmādbrahmaṇaḥ sadanaṃ vrajet