Tirthacintamani 9.p63

9.p63

oṃ adya māghaśuklasaptamyāṃ sūryyagrahakālīnaśatagaṅgāsnānajanyaphala-samaphalaprāptikāmo gaṅgāyāṃ snānamahaṃ kariṣye | atha deśaviśeṣe snānam | tatra padmapurāṇekurukṣetrasamā gaṅgā yatra tatrāvagāhitā | kurukṣetrāddaśaguṇā yatra vindhyena saṅgatā || vindhyācchataguṇā proktā kā(śi)śīpuryyāntu jāhnavī | vindhyasaṅgamaśca karṇatīrthādau | tathāsarvvatra1 sulabhā gaṅgā triṣu sthāneṣu durlabhā | gaṅgādvāre prayāge ca gaṅgāsāgarasaṅgame || teṣu snātā2 divaṃ yānti ye mṛtāste'punarbhavāḥ | mātsyekurukṣetrasamā gaṅgā yatra tatrāvagāhitā | kurukṣetrāddaśaguṇā yatra vindhyena saṅgatā || tataḥ śataguṇā proktā yatra paścimāvāhinī | 3tasmāt sahasraguṇitā yatra cottaravāhinī || 4tasmāt sahasraguṇitā yatra cobhayavāhinī | bhaviṣyegaṅgādvāre kuśāvartte snāne puṇyaphalaṃ śṛṇu | saptānāṃ rājasūyānāṃ phalaṃ syādaśvamedhayoḥ