Tirthacintamani 9.p64

9.p64

uṣitvā tatra māsārddhaṃ śastrāṃ viśvajitāṃ phalam | daśāyutagavāṃ dānapuṇyañca labhate naraḥ || surottamañca govindaṃ rudraṃ kaṇakhale sthitam | strātvā vāpya ca gaṅgāyāṃ puṇyamakṣayamāpnuyāt || mahābhārate — tīrthañca śaukaraṃ nāma mahāpuṇyaṃ mune śṛṇu | yasminnāvirbhūt pūrbbaṃ varāhākṛtiracyutaḥ || śatamagnicitāṃ puṇyaṃ jyotiṣṭomadvayasya ca | agniṣṭomasrahasrasya phalamavāpnuyānnaraḥ || tatraiva brahmaṇastīrthaṃ jyotiṣṭomāyutasya ca | aśvamedhatrayasyāpi snātastatra phalaṃ labhet || tathā — kuñjākhyaṃ tīrthamanaghaṃ yatra ca vyādhayo'khilāḥ | naśyanti sarvvajanmotthaṃ syānnaṣṭaṃ pātakaṃ nṛṇām || athāhūḥ kāpilaṃ tīrthaṃ kapilā dhenavo'nvaham | dattā yenāyutānyaṣṭau snātvā tulyaṃ' phalaṃ labhet || gaṅgādvāre kuśāvartte vilvakai nīlaparvvate | tīrthe kaṇakhale snātvā dhūtapāpo divaṃ vrajet || kāśīmabhidhāya tathaiva | pavitrākhyaṃ tatastīrthaṃ sarvvatīrthāt pavitrakam | hayoviśvajitostatra snānāt puṇyaṃ labhennaraḥ