Tirthacintamani 9.p67

9.p67

jaṅguhade mahātīrthe snānaṃ yatra śarīriṇām| ekaviṃśatisantānatārakaṃ kimataḥparam || jaṅguhada ekaśākhānagare gaṅgāyām | tasmādadititīrthañca yatra 1tasmādaditirharim| kaśyapāttanayaṃ lebhe tatra snānaṃ mahodayam || śiloccayaṃ mahātīrthaṃ tatra taptvā tapaḥ prajāḥ | tṛṇādibhiḥ saha svargaṃ yānti tīrthaguṇāśrayāt || indrāṇī nāma tīrthaṃ syāt indrāṇī yatra vāsavam | tapastaptvā patiṃ lebhe snānādeva prayāgavat || puṇyamāsrātakaṃ tīrthaṃ viśvāmitrastapañcaran | yatra brahmarṣitāṃ lebhe kṣatriyastīrthasevayā || pradyumnatīrthaṃ tapasā yatra svena smaro hareḥ | pradyumnanāmā putro'bhūt snāne tatra mahodayaḥ || taddakṣiṇaprayāgastu gaṅgāto yamunā gatā | snānāttatrākṣayaṃ puṇyaṃ prayāga iva labhyate || dakṣiṇaprayāgastu muktaveṇī saptagrāma iti prasiddhaḥ | gaṅgādvāre prayāge ca gaṅgāsāgarasaṅgame | snātvaiva brahmaṇo viṣṇoḥ śivasya ca puraṃ vrajet || mahābhārate— gaṅgāyāstvatha rājendra sāgarasya ca saṅgame | aśvamedhāddaśaguṇaṃ pravadanti manīṣiṇaḥ