Tirthacintamani 9.p68

9.p68

athāyamatra prayogaḥ— oṃ adya kurukṣetrasnānajanyaphala-daśaguṇaphalaprāptikāmo vindhyasaṅgatagaṅgāyāṃ snānamahaṃ kariṣye | oṃ adya vindhyasaṅgatagaṅgāsnānajanyaphala-śataguṇaphalaprāptikāmaḥ kāśyāṃ gaṅgāyāṃ snānamahaṃ kariṣye | paścimavāhinyāmapi etadeva phalam | oṃ adya paścimavāhinīgaṅgāsnānajanyaphalasahasraguṇaphalaprāptikāma uttaravāhinyāṃ gaṅgāyāṃ snānamahaṃ kariṣye | oṃ rājasūyasaptakāśvamedhadvayajanyaphala-samalaprāptikāmo gaṅgādvāre gaṅgāyāṃ snānamahaṃ kariṣye | kuśāvarttepyevam | oṃ adyākṣayapuṇyakāmaḥ kanakhale snātvā tatrasthasurottamagovinda-rudrapūjanamahaṃ kariṣye | oṃ adyāgnicitchata-jyotiṣṭomadvayapuṇyasamapuṇyāgniṣṭomasahasrajanyaphalasamaphalaprāptikāmaḥ śaukaratīrthe gaṅgāyāṃ snānamahaṃ kariṣye | atraiva brahmatīrthasnāne— oṃ adya jyotiṣṭomāyutāśvamedhacayajanyaphalasamaphalaprāptikāmo brahmatīrthe snānamahaṃ kariṣye | oṃ adyākhilavyādhi-sarvvajanmotthapātakanāśakāmaḥ kubjāmryatīrthe snānamahaṃ kariṣye | oṃ adya svadattakapiladhenvyutāṣṭakajanyaphalasamaphalaprāptikāmaḥ kapilatīrthe snānamahaṃ kariṣye | oṃ adya dhūtapāpastrīyasvarlokagamanakāmo gaṅgādvāre snānamahaṃ kariṣye