Tirthacintamani 9.p97

9.p97

atha gaṅgāpūjā | tatra smṛtiḥ— pūjitāyāntu gaṅgāyāṃ pūjitāḥ sarvvadevatāḥ | tasmāt sarvvaprayatnena pūjayedamarāpagām || bhaviṣye— caturbhujāṃ sunetrāñca sarvvāvayavaśobhitām | ratnakumbha-sitāmbhoja-varadānābhayaṅkarām || śvetavastraparīdhānāṃ muktā-maṇivibhūṣitām | tato dhyāyet surūpāñca candrāyutasamaprabhām || cāmarairvījyamānāñca śvetavastro1paśobhitām | suprasannāṃ suvadanāṃ karuṇārdranijāntarām || sudhāplāvitabhūpṛṣṭhāmārdragandhānulepanām | trailokyanamitāṃ gaṅgāṃ devādibhirabhiṣṭutām || divyarūpavibhūṣāñca divyamālyānulepanām | dhyātvā jale yathā proktāṃ tathā'rccāyāntu pūjayet || tathā kāsyānavāpnoti kāmyārādhanato'pi ca | māsārddhamapi yastvevaṃ nairantaryyeṇa pūjayet || sa eva puruṣaśreṣṭho nairantaryyaṃ hi duṣkaram | evañca bahukālaṃ yo nairantaryyeṇa pūjayet