Tirthakanda 17.p2

Tīrthakāṇḍa 17.p2

Language: Sanskrit

17.p2

sa tamudyānamāsādya devīmāha jagatpatiḥ | asmin deśo purā devi tiṣṭhato mama śobhane || ūrdhvaṃ golokasaṃsthānaṃ gavāṃ vatsaiḥ svayaṃbhavaiḥ | vegataḥ pīyamānānāṃ pheno mūrdhni samāpatat || tato na paśyati tāśca gā vatsāḥ somapārśvagāḥ | tatastāḥ prekṣitāstatra mayā gāvastadā'bhavan || tejasā dahyamānāstu naiva karmā'stu (?) sādhitāḥ | gāvaḥ pūrvamimā devi āsan kapilavarṇakāḥ || naikavarṇāstadā bhūtā mayā saṃprekṣitāḥ sadā | śaraṇaṃ tasya tā jagmurbrahmāṇaṃ vibudhottamam || agrataḥ samupāgatya kṛtāñjalipuṭastataḥ | arditābhistadā gobhirbrahmā māmabravīttataḥ || prasādaṃ kuru deveśa surabhīṇāṃ sutejasām | vinaśyeyuryathā nemāstathā kuru surārcitaḥ

Previous: 17.p1
Next: 17.p3
Up: 17

Linked texts (2)

Skanda Purāṇa (Kumāra Kavi) — Kumāra Kavi, Sanskrit
Sahyādrikhaṇḍa — Sanskrit