Tirthakanda 17.p53
Tīrthakāṇḍa 17.p53
- Language
- Sanskrit
17.p53
triṣu lokeṣu ye kecit prāṇinaḥ sarva eva te | tarpyamāṇāḥ parāṃ tṛptiṃ yānti gaṅgājalaiḥ śubhaiḥ || yastu sūryeṇa ¹niṣṭaptaṃ gāṅgeyaṃ pibate jalam | gavāṃ nirhāranirmuktā yāvatkāśāviśiṣyate || induvratasahasraṃ tu yaścaret kāyaśodhanam | pibedyaścā'pi gaṅgāmbhaḥ samau syātāṃ na vā samau || [²tiṣṭhedyugasahasraṃ tu pādenaikena yaḥ pumān | māsamekaṃ tu gaṅgāyāṃ samau syātāṃ na vā samau ||] lambetā'vākśirā yastu yugānāmayutaṃ pumān | tiṣṭhedyatheṣṭaṃ yaścāpi gaṅgāyāṃ sa viśiṣyate || agnau prāptaṃ pradhūyante yathā tūlaṃ dvijottama | tathā gaṅgāvagāḍhasya sarvapāpaṃ pradhūyate || bhūtānāmapi sarveṣāṃ duḥkhopahatacetasām | gatimanveṣamāṇānāṃ na gaṅgāsadṛśī gatiḥ
Linked texts (5)
- Critical edition (BORI) — Sanskrit
- Nāradapurāṇa — Vyāsa, Sanskrit
- Indische Sprüche — Otto von Böhtlingk 1863, Sanskrit
- Sanātanadharmoddhāra — Umāpati Dvivedin, Sanskrit
- Bhāratīślokatriśati — Sanskrit