Tirthakanda 17.p98
Tīrthakāṇḍa 17.p98
- Language
- Sanskrit
17.p98
²tato gaccheta rājendra tīrthaṃ trailokyaviśrutam | pṛthūdakamiti khyātaṃ kārtikeyasya dhīmataḥ || tatrābhiṣekaṃ kurvīta pitṛdevārcane rataḥ | ajñānājñānato vāpi striyā vā puruṣeṇa vā || yat kiṃcidaśubhaṃ karma kṛtaṃ mānuṣabuddhinā | tatsarvaṃ naśyate rājan snātamātrasya kaurava || aśvamedhaphalaṃ cāsya svargalokaṃ ca gacchati | puṇyamāhuḥ kurukṣetraṃ kurukṣetrāt sarasvatī || sarasvatyāśca tīrthāni tīrthebhyaśca pṛthūdakam | ³śrutaṃ me sarvatīrthānāṃ yastyajedātmanastanum || pṛthūdake japyaparo nainaṃ śvomaraṇaṃ tapet | śvobhāvyapi maraṇaṃ nainaṃ santāpayedityarthaḥ⁴ || gītaṃ sanatkumāreṇa vyāsena ca mahātmanā | vede ca niyataṃ rājannabhigacchet⁵ pṛthūdakam
Linked texts (2)
- Vulgate (Nīlakaṇṭha's text) — Sanskrit
- Tīrthaprakāśa — Mitramiśra, Sanskrit