Tirthaprakasha 1.p24

1.p24

pratiṣṭhitāni | trividhaṃ tīrthamuktambhārate, pṛthivyāṃ naimiṣaṃ tīrthamantarīkṣe ca puṣkaram | trayāṇāmapi lokānāṃ kurukṣetraṃ viśāṃpate || iti | bhaumāntarīkṣatrilokasthabhedāttrividhamityarthaḥ | atha tīrthayātrādhikāriṇaḥ | tatra brāhmaṇakṣatriyavaiśyaśūdrāṇāṃ caturṇāṃ varṇānāmadhikāraḥ | mahābhārate, pulastyatīrthayātrāyāṃ puṣkaramadhikṛtya | brāhmaṇaḥ kṣatriyo vaiśyaḥ śūdro vā rājasattama | na viyoniṃ vrajantyete tīrthe snātā mahātmanaḥ || iti vacanāt | tīrthayātrāyāṃ brahmacārigṛhasthavānaprasthayatīnāṃ caturṇāmapyāśramāṇāmadhikāraḥ | yathābrahmapurāṇe, yā tīrthayātrā kathitā munīndraiḥ kṛtā prayuktā'pyanumoditā ca| tāṃ brahmacārī vidhivatkaroti susaṃyato guruṇā saṃniyuktaḥ || sarvasvanāśe'pyatha vānyapakṣe sadbrāhmaṇānagrata eva kṛtvā | yajñādhikāre'pyathavā nivṛtte viprastu tīrthāni paribhrameta || tīrtheṣvalaṃ yajñaphalaṃ hi yasmāt proktaṃ munīndrairamalasvabhāvaiḥ | yasyeṣṭiyajñeṣvadhikāritā'sti varaṃ gṛhaṃ gṛhadharmāśca sarve || evaṃ gṛhasthāśramasaṃsthitasya tīrthe gatiḥ pūrvatarairniṣiddhā| sarvāṇi tīrthānyapi cāgnihotratulyāni naiveti vayaṃ vadāmaḥ