Tirthaprakasha 3.p2
Tīrthaprakāśa 3.p2
- Language
- Sanskrit
3.p2
praprajayeti śabdo jāyata ityanena sambadhyate | upapakṣau kakṣau iti bhāṣyam | idaṃ ca prakaraṇāt karmaviśeṣaparam | tena— muṇḍayetsarvagātrāṇi kakṣopasthaśikhā na hi | ityanenāvirodhaḥ | nanvevaṃgatvā snānaṃ prakurvīta vapanaṃ tadanantaram | vapet keśāṃśca śmaśrūṇi nakhāni ca nikṛntayet || iti brahmapurāṇamasaṅgataṃ syāt iti cet, nūnaṃ sāmantādapi sārvabhaumo bibheti yena smṛteranyathātvabhiyā śrutimanyathayituṃ pravṛtto'si | vastuto brahmapurāṇasyobhayavapana evaidamparye na tu paurvāparye ityavirodha iti