Tirthaprakasha 4.p104

4.p104

vi0 47 īśāne maṅgalavi0 48 ete ṣaṣṭhāvaraṇe | modapramodasumukhadurmukhagaṇanāthajñānadvārāvimuktavināyakā aṣṭau prāṃgādikrameṇa saptamāvaraṇe | iti ṣaṭpañcāśadgaṇeśāḥ | ṣaṭpañcāśadgajamukhānetān yaḥ saṃsmariṣyati | dūradeśāntarastho'pi sa mṛto jñānamāpnuyāt || ime gaṇeśvarāḥ sarve smarttavyā yatra kutracit | mahāvipatsamudrāntaḥpatitaṃ pānti mānavam || iti | athāvaśyakāni tīrthāni | brahmavaivartte, āvaśyakāni tīrthāni śṛṇvantu munisattamāḥ | asnānāt pratyavāyī syādavimukte sthito naraḥ || ityabhidhāya gaṅgāsnānaṃ tato maṇikarṇikāsnānaṃ tataḥ pañcanade snānaṃ tato varuṇāsaṅgame tato daśāśvamedhe tato'sisaṅgame snānamuktam | idaṃ tu śaktataralokābhiprāyam | durbalānāṃ pratyahaṃ tatrāsāmarthyāt | nūtanāgatābhiprāyeṇedamityanye | atha nityayātrā | brahmavaivartte, bhagavānuvāca | prātaḥ prātaḥ samutthāya ḍhuṇḍhirājaṃ nametpunaḥ | bhavānīśaṅkaraṃ paścāt kālabhairavameva ca || daṇḍapāṇiṃ gaṇeśāṃśca keśavādi ca caṇḍikāḥ | tataḥ śaucādikaṃ kṛtvā dantadhāvanapūrvakam || snānamuttaravāhinyāṃ śrutyādiṣu yathoditam | tataḥ sandhyātarpaṇādi vidhāya svādhikārataḥ