Tirthaprakasha 4.p105
Tīrthaprakāśa 4.p105
- Language
- Sanskrit
4.p105
viśveśvaraṃ smaran gacchet pūjāsādhanasaṃyutaḥ | ādau devyā maṇḍapaṃ sampraviśya tatra sthitvā pūjayedvai bhavānīm| sāṅgopāṅgairāgamauktairvidhānaiḥ stutvā natvā prārthayedannadātrīm|| sarveṣāṃ vighnahartṝṇāṃ kartṝṇāmapi seśvarī | ato bhavānyadhīnaṃ hi kṣetraṃ pūjyā tataḥ parā || kāśīkhaṇḍe bhavānīṃ prakramyaaṣṭau pradakṣiṇā deyāḥ pratyahaṃ bhaktitatparaiḥ | iti | tato bhavānīṃ prārthayet | mātarbhavāni ! tava pādarajo bhavāni mātarbhavāni ! tava dāsaṃtaro bhavāni | mātarbhavāni ! na bhavāni yathā bhave'smistvadbhāgrabhavānyanudinaṃ na punarbhavāni || tiṣṭhatā gacchatā vāpi svapatā jāgratāpi vā | ayaṃ mantraḥ sadā japyaḥ sukhāptyai kāśivāsinā || bhavānīstutirvistarabhiyā nālekhi | tato ḍhuṃṇḍhiṃ ganvā madhurataranaivedyavibhavairupāsya stutvā taṃ vividhabhayavibhrādiśamanam | ayaṃ nityaḥ prokto vidhiratulasaukhyaikasukhadaścaturthyāṃ no yasya prabhavati sa kiṃ saukhyanilayaḥ
Linked texts (1)
- Tristhalīsetu (Nārāyaṇa) — Nārāyaṇa (Mahiṣamaṅgalam) 1513, Sanskrit