Tirthaprakasha 4.p113.5
Tīrthaprakāśa 4.p113.5
- Language
- Sanskrit
4.p113.5
vasatiṃ yastu kurute madhye dinacatuṣṭayam | prathamāṃ vasatiṃ kuryāt kardameśvarasannidhau || dvitīyāṃ bhīmacaṇḍyāṃ ca vasatiṃ parikalpayet | rāmeśvare tṛtīyāṃ ca caturthīṃ kapilātaṭe || rājavṛddhakumārāṇāṃ yatheṣṭaṃ vāsa iṣyate | yathākathañciddeveśi ! pañcakrośapradakṣiṇam || kuryādeva na māsādi cintayeddharmakovidaḥ | sa eva śubhadaḥ kālo yasmin śraddhodayo bhavet || satyaśraddhā guṇavatī nāsatyā sā phalapradā | kāśyāṃ tiṣṭhati yo nityaṃ snāti bhāgīrathījale || kuryātsāṃvatsarīṃ yātrāṃ pañcakrośasya sundari ! | sa brahmabhūto nivasenmamānugrahataḥ sukhī || iti