Tirthaprakasha 4.p117

4.p117

prātaḥ snānaṃ vidhāyādau natvā pañcavināyakān | namaskṛtyātha viśveśaṃ sthitvā nirvāṇamaṇḍape || antargṛhasya yātrāṃ vai kariṣye'ghaughaśāntaye | gṛhītvā niyamaṃ ceti gatvā'tha maṇikarṇikām || snātvā maunena cāgatya maṇikarṇīśamarcayet | kambalāśvatarau natvā vāsukīśaṃ praṇamya ca || parvateśaṃ tato dṛṣṭvā gaṅgākeśavamapyatha | tatastu lalitāṃ dṛṣṭvā jarāsandheśvaraṃ tataḥ || tato vai somanāthaṃ ca varāhaṃ ca tato vrajet | brahmeśvaraṃ tato natvā natvā'gastīśvaraṃ tataḥ || kaśyapaśaṃ namaskṛtya harikeśavanaṃ tathā | vaidyanāthaṃ tato dṛṣṭvā dhruveśamatha vīkṣya ca || gokarṇeśvaramabhyarcya hāṭakeśyamatho vrajet | asthikṣepataḍāge'tha dṛṣṭvā vai kīkaseśvaram || bhārabhūteśvaraṃ natvā citragupteśvaraṃ tataḥ | citraghaṇṭāṃ praṇamyātha tataḥ paśupatīśvaram || pitāmaheśvaraṃ natvā tatastu kalaśeśvaram | candreśastvatha vīreśo vighneśo'gnīśa eva ca || nāgeśvaro hariścandraścintāmaṇivināyakaḥ | senāvināyakaścātha draṣṭavyaḥ sarvavighnahṛt || vasiṣṭhavāmadevau ca mūrtirūpadharāvubhau | draṣṭavyau yatnataḥ kāśyāṃ mahāvighnavināśinau || sīmāvināyakaṃ cātha karuṇeśaṃ tato vrajet | trisandhyeśo viśālākṣī dharmeśo viśvabāhukā || āśāvināyakaṃthātha vṛddhādityastataḥ param | caturvaktreśvaraṃ liṅgaṃ brahmīśastu tataḥ param || tato manaḥprakāmeśa jñāneśastataḥ param | caṇḍīcaṇḍīśvarau dṛṣṭvā bhavānīśaṅkarau tataḥ || ḍhuṃṇḍhiṃ praṇamya ca tato rājarājeśamarcayet | lāṅgalīśastato'bhyarcyastatastu nakulīśvaraḥ || parānnaśamatho natvā paradravyeśvaraṃ tataḥ | pratigraheśvaraṃ cāpi niṣkalaṅkeśameva ca || mārkaṇḍeyeśamabhyarcya tata apsaraseśvaram | gaṅgeśo'rcyastato jñānavāpyāṃ snānaṃ samācaret || nandikeśaṃ tārakeśaṃ mahākāleśvaraṃ tataḥ | daṇḍapāṇiṃ maheśaṃ ca mokṣeśaṃ praṇipatya ca || vīrabhadreśvaraṃ natvā avimukteśvaraṃ tataḥ | vināyakāṃstataḥ pañca viśvanāthaṃ tato vrajet || tato maunaṃ visṛjyātha mantrametamudīrayet | antargṛhasya yātreyaṃ yathāvadyā mayā kṛtā || nyūnātiriktayā śambhuḥ prīyatāmanayā vibhuḥ | iti mantraṃ samuccārya kṣaṇaṃ vai muktimaṇḍape || viśramya yāyādbhavanaṃ niṣpāpaḥ puṇyavān naraḥ