Tirthaprakasha 4.p130
Tīrthaprakāśa 4.p130
- Language
- Sanskrit
4.p130
kulastambhasya mūle'nnaṃ dadyādāmalakaprabham | paralokeṣu śeṣeṣu kṣudhayā naiva pīḍyate || ekaṃ vā vāsayet kāśyāṃ vṛkṣaṃ gulmalatāsvapi | ekāhamapi vā dhātaryamalokaṃ na paśyati || kṣetravāsaṃ vinā vāpi kṣetravāsaphalaṃ labhet | kāśīkhaṇḍe, vittaśāṭhyaṃ parityajya prāsādaṃ yo'tra kārayet | tena datto bhavetsarvo merurniyutayojanaḥ || kūpavāpītaḍāgāni śaktyā yo'tra tu kārayet | anyatra karaṇāttasya puṇyaṃ koṭiguṇaṃ bhavet || ijyārthamatra yaḥ kuryāt suramyāṃ puṣpavāṭikāām | puṣpe puṣpe phalaṃ tasya suvarṇakusumādhikam