Tirthaprakasha 4.p132
Tīrthaprakāśa 4.p132
- Language
- Sanskrit
4.p132
maṭhānapi tapasvibhyaḥ kārayitvā'tra yo'rpayet | jīvanopāyasaṃyuktān so'pi sarvaphalāśrayaḥ || tathā, caturṇāmapi vedānāṃ puṇyamadhyayanācca yat | tatpuṇyaṃ jāyate kāśyāṃ gāyatrīlakṣajāpataḥ || tathā, kṛcchracāndrāyaṇādyaiśca yacchreyaḥ samupārjyate | tadekenopavāsena bhavatyānandakānane || anyatra yattapastaptvā śreyaḥ syāccharadāṃ śatam | tadastu kāśyāṃ varṣeṇa bhūmiśayyāvratena hi || ājanmamaunavratato yadanyatra phalaṃ smṛtam | tadastu kāśyāṃ pakṣo'hantsatyavākyavibhāṣaṇāt || anyatra dattvā sarvasvaṃ sukṛtaṃ yatsamāhitaḥ | sahasrabhojanāt kāśyāṃ tadrūpādyutādhikam || tathā, sannihatyāṃ kurukṣetre rāhugraste divākare | tulāpuruṣadānena kāśyāṃ bhikṣāsamā bhavet