Tirthaprakasha 4.p133

4.p133

taddinaparyāptā bhikṣā dattetyarthaḥ| bhikṣāṭanamityartha iti kaścit| tathā, bhikṣāpi yatra bhikṣubhyo dattvā''malakasammitā | sumeruṇā'pi tulitā vārāṇasyāṃ gururbhavet || vārāṇasyāṃ varṣabhojyaṃ yo dadyānnirupāyine | sa kadācittṛṭkṣudhārto duḥkhaṃ bhuṅkte nararṣabhaḥ || vārāṇasyāṃ nivasataṃ yatpuṇyamupajāyate | tadeva saṃvāsayituḥ phalaṃ tvaviklaṃ bhavet || tathā, ekaṃ pratiṣṭhitaṃ yena liṅgamatreśabhaktitaḥ | tenātmanā samaṃ viśvaṃ jagadeva pratiṣṭhitam || ratnākare ratnasaṅkhyā saṅkhyāvadbhirapīṣyate | liṅgapratiṣṭhāpuṇyasya na tu saṅkhyeha vidyate || tathā, dātavyamiti kāśyāṃ no vaktavyaṃ manujaiḥ kvacit | ahorātramatikramya taddānaṃ dviguṇaṃ bhavet || daśottaraṃ parvasu ca śataṃ candragrahe bhavet | sūryyagrahe sahasraṃ tu maraṇe'nantakaṃ smṛtam || tasmāddātavyamityuktvā deyameva na cānyathā | budhaistu deva vaktavyaṃ dātuṃ śakyaṃ yadeva hi || uktvā na dīyate yaddhi yānāvahameva tat | dānameva kalau nṛṇāṃ prāyaścittaṃ na cetarat || kāśyāmapi kṛtā doṣā naśyanti hi sudānataḥ | vāyavīye, vārāṇasyāṃ nagaryyāṃ tu deyaṃ śrāddhaṃ prayatnataḥ | tasyāṃ yogeśvaro nityaṃ tasyāṃ dattamathākṣayam || iti