Tirthaprakasha 4.p198

4.p198

ṇānuṣṭhānam | smārte'pi saṅkrāntivyatīpātadarśādiśrāddhānāṃ tantreṇānuṣṭhānaṃ hemādriprabhṛtibhirdarśitam | miśrāstu-“svargaphalakaṃ gaṅgāyāṃ muṇḍanaṃ, mokṣaphalakaṃ ca prayāgīyaṃ muṇḍanam | na cānayostantreṇa prasaṅgena vā siddhiḥ | nānāphalakāmādhikārikatvāt | kāmanayoryugapadasambhavāt | tataśca kramākāṅkṣāyāṃ gaṅgāmuṇḍanamādyam | “gaṅgāṃ prāpya” ityādiśravaṇāt | nanu prayāge'pi— muṇḍanaṃ copavāsaśca sarvatīrtheṣvayaṃ vidhiḥ | ityanena muṇḍanopavāsayorekakālīnatvaṃ prāpyate | upavāsaśca tatra prāptidine karttavya iti tatra muṇḍanamapi tathāstu iti cet, satyam | upavāsamuṇḍanayordvayostatra prāptinimittakatvāt tasya muṇḍanasya gaṅgāmuṇḍanena kāmyena prasaṅgato nirvāhāt | kāmyaṃ tu prayāgamuṇḍanamanyadeva | taccāniyatakālam | ato dināntare prayāgamaṇḍalābhyantarasthale tadanuṣṭheyam | nanvidaṃ kevalakāmyaṃ cet? snānavat pratidinamāpadyeta| prāptinimittakaṃ cet? prathamavāha eva kriyeta | nimittakāmanayostadahareva sannipātāt | athasaṃvatsare dvimāsone punastīrthaṃ vrajedyadi | muṇḍanaṃ copavāsaṃ ca .tato yatnena varjayet || itivacanādekopādhiprayuktaṃ daśamāsābhyantare punastīrthavapanaṃ na kāryyam | na caivaṃ prayāgīyaṃ prathamamuṇḍanamapi na syāt | tasyāpi tadavacchinnagaṅgāmuṇḍanāpekṣayā dvitīyatvāt iti vācyam | tasya prayāge vihitasya gaṅgāmuṇḍanena bhinnādhikārikeṇa prasaṅgena tantreṇa vā 'niṣpatteḥ pṛthaganuṣṭhānasya tatra nyāyyatvāditi | maivam | etasya prāptinimittakamuṇḍanaparatvāt | tanni-