Tirthaprakasha 4.p220

Tīrthaprakāśa 4.p220

Language: Sanskrit

4.p220

atha gaṅgātīre śivaliṅgapūjā | gaṅgātīre sadā liṅgaṃ vilvapatraiśca ye narāḥ | pūjayiṣyanti sa prītāste'pavargasya bhājanam || iti | atha dānam | brahmāṇḍe, yajño dānaṃ tapo japyaṃ śrāddhaṃ ca surapūjanam | gaṅgāyāṃ ca kṛtaṃ sarvaṃ koṭikoṭiguṇaṃ bhavet || iti | atha gaṅgāyāṃ bhūmidānam | nivarttanadvayaṃ bhūmergaṅgātīre viśeṣataḥ | viprāya vedaviduṣe tithau tasyāṃ viśeṣataḥ || naro dadāti bhaktyā vai tasya puṇyaphalaṃ śṛṇu | tadbhūmiparamāṇūnāṃ saṅkhyayā'yutasaṅkhyayā || somendrabrahmalokeṣu viṣṇuloke tathaiva ca | naraloke tathā śrīmān bhogān bhuṅkte tathāvidhān || jāyate rūpasampannaḥ sarvalokasupūjitaḥ | sarvasampatsamṛddhaḥ syāt saptadvīpapatirbhavet

Previous: 4.p219
Next: 4.p221
Up: 4

Linked texts (1)

Hālāsyamāhātmya — Sanskrit