Tirthaprakasha 4.p257

4.p257

ddhiḥ pitṛmuktiśca phalam | yogasidvinyāyādekaikaphalakāmanayā kāryyam | samucitameva phalamityanye | evaṃ prakṛtatarpaṇānantaram "ābrahmastamba" ityādinā mantreṇa devavidhinā eko'ñjalirdeyaḥ | tataḥ pitrādimātrādimātāmahādīnāṃ pārvaṇaṃ kṛtvā pretaśilāvadakṣayyapiṇḍaṃ dadyāditi | vṛddhīti | ābhyudayikaṃ mātṛpakramakaṃ kāryyaṃ gayāyāṃ pitṛpakramakamityarthaḥ | atra ca pitrādīnāṃ śāśvatabrahmalokaprāptiḥ phalam | śamīpatrapramāṇeṇa piṇḍaṃ dadyādgayāśiri | yannāmnā pātayetpiṇḍaṃ tannayedbrahma śāśvatam || itivacanāt | uttaramānasasyāpi gayāśiro'bhyantaratvāt | sūryyamiti | sūryyanamaskārasya pitṝṇāṃ sūryyalokanayanaṃ phalam | evaṃ sūryyārcanasyāpi | ubhayatraiva "oṃ namo bhānave" ityādirmantraḥ | uttaramānasaśrāddhasyākṣayapitṛtṛptirvā phalam | puṣkareṣvakṣayaṃ śrāddhamityupakramyaevaṃ gayāśīrṣe'kṣayavaṭe phalgutīrthe uttaramānase mātaṅgavāpyāṃ ca | iti viṣṇuvacanāt | dakṣiṇamānasaṃ tu tridhā vibhaktam | uttarabhāga udīcītīrthaṃ madhyabhāgaḥ kanakhalaṃ dakṣiṇabhāgo dakṣiṇamānasamiti | atra pratyekaṃ tīrthatraye snāne śrāddhe ca pitṛmuktiḥ phalam | dakṣiṇamānasasnāne tu "audakṣiṇe mānase"ityādiḥ "brahmahatyādi"ityādiśca mantraḥ paṭhanīyaḥ | "namāmi sūryya"ityādinā mantreṇa dakṣiṇārkaṃ pūjayet namecca | atra sarvaṃ maunena kāryyam | ato'yaṃ maunārkanāmā | tataḥ "kavyavāla"itimantrastatraiva paṭhanīyaḥ | tataḥ phalgutīrthaṃ gacchet | muktiriti | śrāddhakartṝṇāṃ ye pitarasteṣāṃ muktirbhavatītyarthaḥ | kartuḥ pituśca muktiḥ phalamityanye | brahmaṇeti | viṣṇuḥ phalgunadīrūpo'bhavaddakṣiṇāgnau yadbrahmaṇā hutaṃ tat phalgutīatha pañcatīrthīdinottaradinakṛtyam | vāyupurāṇe, prathame'hni vidhiḥ prokto dvitīye divase vrajet | dharmāraṇyaṃ tatra dharmo yasmādyāgamakārayat || mataṅgavāpyāṃ snātvā tu tarpaṇaṃ śrāddhamācaret | gatvā natvā mataṅgeśamimaṃ mantramudīrayet || pramāṇaṃ devatāḥ santu lokapālāśca sākṣiṇaḥ | mayā''gatya mataṅge'smin pitṝṇāṃ niṣkṛtiḥ kṛtā || pūrvavadbrahmatīrthe ca kūpe śrāddhādi kārayet | tatkūpayūpayormadhye kurvastu trāyate pitṝn || dharmaṃ dharmeśvaraṃ natvā mahābodhitaruṃ namet | iti