Tirthaprakasha 4.p31
Tīrthaprakāśa 4.p31
- Language
- Sanskrit
4.p31
meroḥ pūrveṇa bhadrāśvaṃ ketumālaṃ ca paścime | varṣe dve tu muniśreṣṭha tayormadhyamilāvṛtam || vanaṃ caitrarathaṃ pūrve dakṣiṇe gandhamādanam | vaibhrājaṃ paścime tadvaduttare nandanaṃ smṛtam || aruṇodaṃ mahābhadramasitodaṃ samānasam | sarāṃsyetāni catvāri devabhogyāni sarvadā || śītāntaścakramuñjaśca kurarī mālyavāṃstathā | vaikaṅkapramukhā maroḥ pūrvataḥ kesarācalāḥ || trikūṭaḥ śiśiraścaiva pataṅgo rucakastathā | niṣadhādayo dakṣiṇatastasya kesaraparvatāḥ || śikhivāsāḥ savaidūryaḥ kapilo gandhamādanaḥ | jārudhipramukhāstadvat paścime kesarācalāḥ || meroranantaraṅgeṣu jaṭharādiṣvavasthitāḥ | śaṅkhakūto'tha ṛṣabho haṃso nāgastathā paraḥ || kaliñjarādyāśca tathā uttare kesarācalāḥ
Linked texts (3)
- Śivapurāṇa (complete text) — Sanskrit
- Agnipurāṇa — Vyāsa, Sanskrit
- Mārkaṇḍeyapurāṇa — Vyāsa, Sanskrit