Tirthaprakasha 4.p33

4.p33

matsyaḥ, śrotāṃsi tripathāyāstu pratyapadyanta saptadhā | nalinī hrādinī caiva plāvanī caiva prācyagāḥ || sītā cakṣuśca sindhuśca tisrastā vai pratīcyagāḥ | saptamī tvanvagādgaṅgā dakṣiṇena bhagīratham || ityāha | alakanandāmuktvā cakṣumāhacakṣuśca paścimagirīnatītya sakalāṃstataḥ | paścimaṃ ketumālākhyaṃ varṣaṃ gatvaiti sārṇavam || bhadrā tathottaragirīnuttarāṃśca tathā kurūn | atītyottaramambhodhiṃ samabhyeti mahāmune || ānīlaniṣadhāyāmau mālyavadgandhamādanau | tayormadhyagato meruḥ karṇikākārasaṃsthitaḥ || bhāratāḥ ketumālāśca bhadrāśvāḥ kuravastathā | patrāṇi lokapadmasya maryādāśailavāhyataḥ || jaṭharo devakūṭaśca maryādāparvatāvubhau | tau dakṣiṇottarāyāmāvānīlaniṣadhāyatau | gandhamādanakailāsau pūrvapaścāyatāvubhau || aśītiyojanāyāmāvarṇavāntarvyavasthitau | niṣadhaḥ pāriyātraśca maryādāparvatāvubhau || meroḥ paścimadigbhāge yathā pūrvau tathā sthitau | tau dakṣiṇottarāyāmāvānīlaniṣadhāyatau || triśṛṅgo jāhādhiścaiva uttarau varṣaparvatau | pūrvapaścāyatāvetāvarṣaṇvāntarvyavasthitau || ityete munivaryoktā maryādāparvatāstava | jaṭharādyāḥ sthitā meroryeṣāṃ dvau dvau caturdiśam || sapta varṣāṇi maryādāgiribhiḥ sahoktvābhadrāśvaṃ pūrvato meroḥ ketumālaṃ ca paścime