Tirthaprakasha 4.p331
Tīrthaprakāśa 4.p331
- Language
- Sanskrit
4.p331
padmapurāṇe, evaṃ vai stūyamānastu devadevo maheśvaraḥ | uvāca rāghavaṃ vākyaṃ bhaktinamraṃ puraḥsthitam || tvayā ceha kṛte sthāne madīye raghunandana | ārādhyamānaṃ māṃ rāma paśyeyuriha sāgare || mahāpātakayuktā vai teṣāṃ pāpaṃ vinaṅkṣyati | kālikāpurāṇe, vṛtraṃ hatvā tataḥ śakro mahendre sthāpya śaṅkaram | liṅgaṃ muktastu pāpaughaistataḥ sa tridivaṃ gataḥ || rāvaṇaṃ sūdayitvātra rāmo dāśarathistathā | vimukto brahmahatyāyāḥ sthāpya liṅgaṃ tu taijasam || adyāpīndreśvaraṃ dṛṣṭvā tathā rāmeśvaraṃ vibhum | mucyate brahmahatyāyā naro vai nātra saṃśayaḥ || iti