Tirthaprakasha 4.p40

4.p40

tuṅgabhadrā suprayogā tathānyā pāpanāśinī || sahyapādaviniṣkrāntā ityetāḥ saritāṃ varāḥ | kṛtamālā tāmraparṇī puṣpajambūtapalāvatī || malayādrisamudbhūtāḥ puṇyāḥ śītajalāstvimāḥ | pitṛsomarpikulyā ca ikṣurā tridivālayā || lāṅgalino vaṃśakarā mahendraprabhavāḥ smṛtāḥ | ṛṣikālā kumārī ca mandagā mandavāhinī || rūpā palāśino caiva śuktimatprabhavāḥ smṛtāḥ | sarvāḥ puṇyāḥ sarasvatyaḥ sarvā gaṅgāḥ samudragāḥ | viśvasya mātaraḥ sarvāḥ sarvapāpaharāḥ smṛtāḥ || anyāḥ sahasraśaḥ santi kṣudranadyo dvijottamāḥ | prāvṛṭkālavahā yāśca sadākālavahāśca yāḥ || iti | hemādrau, gaṅgā ca narmadā caiva sindhuścātha sarasvatī | evamādinadīrūpaiḥ prāṇināṃ muktisiddhaye || brāhmī śaktiḥ purā proktā pratyakṣaṃ saiva varttate | nadyādilakṣaṇamāhaekāyanaḥ, kulyāḥ ṣaḍyojanaṃ yānti dvādaśa kṣudrasaṃjñitāḥ | pravahanti nadīsaṃjñāścaturviṃśatiyojanam || pravahantyastato'pyūrdhvaṃ mahānadyaḥ prakīrttitāḥ | chandogapariśiṣṭe, dhanuḥsahasrāṇyaṣṭau ca gatiryāsāṃ na vidyate | na tā nadīśabdavahā garttāste parikīrttitāḥ