Tirthaprakasha 4.p51
Tīrthaprakāśa 4.p51
- Language
- Sanskrit
4.p51
sa caināṃ pūrvavatkṛtvā caturvarṇāśramākulām || sphītāṃ janapadākīrṇāṃ bhuktvā ca suciraṃ nṛpaḥ | mayi sarvārpitaprāṇo māmeva pratipatsyate || tataḥ prabhṛti cārvāṅgi ye'pi kṣetranivāsinaḥ | gṛhiṇo liṅgino vāpi madbhaktā matparāyaṇāḥ || matprasādādgamiṣyanti mokṣaṃ paramadurlabham | viṣayāsaktacitto'pi tyaktadharmaratirnaraḥ || iha kṣetre mṛtaḥ so'pi saṃsāre na viśetpunaḥ | ye punarnirmamā dhīrāḥ sattvasthā vijitendriyāḥ || vratinaśca nirārambhāḥ sarve te mayi bhāvitāḥ | dehabhedaṃ samāsādya dīpyante saṅgavarjitāḥ || gatā eva paraṃ mokṣaṃ prasādānmama suvrate | janmāntarasahasreṣu yuñjan yogī yadāpnuyāt || tamihaiva paraṃ mokṣaṃ maraṇādadhigacchati | etat saṅkṣepato devi kṣetrasyāsya mahatphalam || avimuktasya kathitaṃ mayā te guhyamuttamam
Linked texts (3)
- Liṅgapurāṇa — Vyāsa, Sanskrit
- Liṅgapurāṇa — Ativīrarāma Pāṇṭiyar 1500, Sanskrit
- Skanda Purāṇa (Kumāra Kavi) — Kumāra Kavi, Sanskrit