Tirthaprakasha 4.p75

4.p75

kāśīkhaṇḍe, pūrve tu maṇikarṇīśo brahmeśo dakṣiṇe sthitaḥ | paścime caiva gokarṇo bhārabhūtastathottare || ītyetaduttamaṃ kṣetramavimukte mahāphalam | avimukte tanmadhye | pūrve tu maṇikarṇīśa ityanena tadupalakṣitaṃ gaṅgāmadhyameva pādmaikavākyatayā grāhyam | tadayaṃ saṅkṣepaḥ | madhyameśvarāccaturdikṣu pañcapañcakrośātmakaṃ kāśīkṣetram | taccasīmāvināyakebhyaśca bahiḥ kāśyāḥ pramāṇataḥ | tāvat kṣetraṃ vijānīyādyāvaddhanuḥśatatrayam || iti vacanāt paścime bhīmacaṇḍyāḥ parato dhanuḥśatatrayamitataddeśena samaṃ pūrvato gaṅgāpāreṇa ca saha vartulākāramitigamyate | tanmadhye gaṅgāsībhīmacaṇḍīpāśapāṇivaraṇāntargataṃ kṣetraṃ vārāṇasī | idameva kṣetraṃ pañcakrośayātrāyāṃ pradakṣiṇīkriyate| kṣetrabahiṣṭhasyāpi vṛṣabhadhvajādergamanaṃ vacanabalāt | pādme viśveśvarataḥ parito dhanuḥśatadvayamitamavimuktamuktam | skāndalaiṅgayostu madhyameśvarasya kṛttivāsaso vā paritaścaturdikṣu krośātmakamuktam | antargṛhamānaṃ tu pūrvato gaṅgāmadhyaṃ dakṣiṇe brahmeśo paścime gokarṇeśa uttare bhārabhūteśa iti | kāśīkṣetrādbahirgacchanti svargaṃ sukṛtināṃ padam | iti brahmavaivarttāt | liṅgapurāṇe śivavākyam | piṅgalānām yā nāḍī āgneyī sā prakīrttitā | śuṣkā sāsīti ca jñeyā lolāko yatra tiṣṭhati || iḍānāmnī tu yā nāḍī sā saumyā samprakīrttitā