Tirthaprakasha 5.p1

5.p1

atha virajakṣetram | brahmapurāṇe, brahmovāca | viraje virajā mātā brahmāṇī supratiṣṭhitā | yasyāḥ sandarśanānmartyaḥ punātyāsaptamaṃ kulam || sakṛt dṛṣṭvā tu tāṃ devīṃ bhaktyā''pūjya praṇamya ca | naraḥ svavaṃśamuddhṛtya mama lokaṃ sa gacchati || anyāśca tatra tiṣṭhanti viraje lokamātaraḥ | sarvapāpaharā devyo varadā bhaktavatsalāḥ || āste vaitaraṇī tatra sarvapāpaharā nadī | yasyāṃ snātvā naraśreṣṭhaḥ sarvapāpaiḥ pramucyate || āste svayambhustatraiva kroḍarūpī hariḥ svayam | dṛṣṭvā praṇamya taṃ bhaktyā naro viṣṇukuraṃ vrajet || kapilāgophrase some tīrthe cālābusaṃjñake | mṛtyuñjaye kroḍatīrthe vāsukīsiddhakeśvare || tīrtheṣveteṣu matimān virajo niyatendriyaḥ | kṛtvāṣṭatīrthī vidhivat snātvā devān praṇamya ca || sarvapāpavinirmukto vimānavaramāsthitaḥ | upagīyamāno gandharvairmama loke mahīyate || viraje yo mama kṣetre piṇḍadānaṃ karoti vai | sa karotyakṣayāṃ tṛptiṃ pitṝṇāṃ nātra saṃśayaḥ || mama kṣetre muniśreṣṭhā viraje ye kalevaram | parityajanti puruṣāste mokṣaṃ prāpnuvanti vai || iti | atha kāmarūpe devīmāhātmyam | kālikāpurāṇe, vārāṇasyāṃ sadā pūjā sampūrṇaphaladāyinī | tatastu dviguṇā proktā puruṣottamasannidhau || tato'pi dviguṇā proktā dvāravatyāṃ viśeṣataḥ | sarvakṣetreṣu tīrtheṣu pūjā dvāravatīsamā || vindhye śataguṇā proktā gaṅgāyāmapi tatsamā | āryāvartte madhyadeśe brahmāvartte tathaiva ca || vindhyavatphaladā pūjā prayāge puṣkare tathā | tataścaturguṇā proktā karatoyānadījale || tasmāccaturguṇaphalā nandikuṇḍe ca bhairava | tataścaturguṇā proktā jalpīśvarasannidhau || tatra siddheśvarīyonau tato'pi dviguṇā smṛtā | tataścaturguṇā proktā lohityanadapāthasi || tatsamā kāmarūpe ca sarvatraiva jale sthale | sarvaśreṣṭho yathā viṣṇurlakṣmīḥ sarvottamā yathā || devīpūjā tathā śastā kāmarūpe surālaye | devīkṣetraṃ kāmarūpe vidyate'nyatra tatsamam || anyatra viralā devī kāmarūpe gṛhe gṛhe | tataḥ śataguṇā proktā nīlakūṭasya mastake || tato'pi dviguṇā proktā hemake śivaliṅgake | tato'pi dviguṇā proktā śailaputryādiyoniṣu || tataḥ śataguṇā proktā kāmākhyāyonimaṇḍale | kāmākhyāyāṃ mahāmāyāpūjāṃ yaḥ kṛtavān sakṛt || sa ceha labhate kāmān paratra śivarūpatām | na tasya sadṛśo'nyo'sti kṛtyaṃ tasya na vidyate || vāñchitārthamavāpyeha cirāyurabhijāyate | vāyoriva gatistasya bhaveddanyairavāritā || saṅgrāme śāstravāde ca durjayaḥ sa ca jāyate | vaiṣṇavītantramantreṇa kāmākhyāyonimaṇḍale || sakṛttu pūjanaṃ kṛtvā phalaṃ daśaguṇaṃ bhavet | iti | yoginītantre, aṣṭaṣaṣṭiṣu śaileṣu madhya uccaiśca yo giriḥ | mandārākhyastu sa śailo gatvā tatra samāhitaḥ || pūrvabhāge tu śailasya sthito madhuripurhariḥ | darśanāttasya devasya kulānāṃ tārayecchatam || iti | atha karatoyāmāhātmyam | bhārate, karatoyāṃ samāsādya trirātropoṣito naraḥ | aśvamedhamavāpnoti svargalokaṃ ca gacchati || iti | karatoye sadānīre saricchreṣṭhe suviśrute | pauṇḍrān plāvayase nityaṃ pāpaṃ hara karaSecretly corrected formatting: karodbhave || iti snānamantraḥ | atha brahmaputramāhātmyam | bhārate, rāmasya ca prasādena tīrtharājaṃ kṛtaṃ purā | taṃ lohityaṃ samāsādya vindedvahusuvarṇakam