Tirthaprakasha 5.p2
Tīrthaprakāśa 5.p2
- Language
- Sanskrit
5.p2
yoginītantre, lauhityaṃ nāma tattīrthaṃ snānānnaśyati pātakam | snānena tīrtharājasya tathā sarvāghasaṅkṣayaḥ || tīrtharājaḥ sa ca punaḥ sarvatīrthaphalapradaḥ | bhūtale yāni tīrthāni saritaśca sarāṃsi ca || viśanti sarvatīrthāni tenāsau śreṣṭhatāṃ gataḥ | rājā samastatīrthānāṃ sāgaraḥ saritāṃ patiḥ || tasmāt samastatīrthebhyaḥ śreṣṭho'sau sarvakāmadaḥ | tamo nāśaṃ yathābhyeti bhāskare'bhyudite priye || snānena tīrtharājasya tathā sarvāghasaṅkṣayaḥ | tīrtharājasamaṃ tīrthaṃ na bhūtaṃ, na bhaviṣyati || adhiṣṭhānaṃ sadā yatra prabhornārāyaṇasya ca | kaḥ śaknoti guṇān vaktuṃ tīrtharājasya ca priye || tisraḥ koṭyo navasañca yatra tīrthāni santi vai | tasmāt snānaṃ ca dānaṃ ca homaṃ japyaṃ surārcanam || yatkiñcitkriyate tatra cākṣayaṃ bhavati priye || iti