Tirthendushekhara 2.p17

2.p17

gaṅgāyāṃ maraṇaṃ caiva dṛḍhā bhaktiśca keśave | brahmavidyāprabodhaśca nālpasya tapasaḥ phalam || itivedavyāsenoktam || maraṇe smaraṇaṃ viṣṇoḥ kathyate'tyantadurlabham | tadalpena hi kālena gaṅgāṃ saṃsevya labhyate || iti ca | kuruśabdenātra kāśī| (tathā ca (1) tāṃpanāṃye jābāle ca śrūyate | bṛhaspatiryājñavalkyaṃ papraccha vada naḥ kurukṣetraṃ devānāṃ devayajanaṃ sarveṣāṃ bhūtānāṃ brahmasadanamiti sa hovāca yadanu kurukṣetraṃ devānāṃ devayajanaṃ sarveṣāṃ bhūtānāṃ brahmasadanamavimuktaṃ vai kurukṣetraṃ devānāṃ devayajanaṃ sarveṣāṃ bhūtānāṃ brahmasadanaṃ tasmādyatra kvacana gacchati tadidaṃ manye devānāṃ devayajanaṃ sarveṣāṃ bhūtānāṃ brahmasadanamatra hi jantoḥ prāṇeṣūtkramamāṇeṣu rudrastārakaṃ brahma vyācaṣṭe yenāsāvamṛtībhūtvā mokṣībhavati tasmādavimuktaṃ niṣeveta' ityuktaṃ na vimuñcenetyāhaivamevaitadyājñavalkyeti