Tirthendushekhara 2.p18

2.p18

atha hainamaṃtriḥ prapaccha yājñavalkyaṃ ya eṣo'nanto'vyakta ātmā taṃ kathamahaṃ vijānīyāmiti so'vimukte pratiṣṭhita iti so'vimuktaḥ kasminpratiṣṭhita iti varaṇāyāṃ nāsyāṃ ca madhye pratiṣṭhita iti kā caraṇā bhavati kā ca nāsīti sarvānindriyakṛtāndoṣānvārayati tena caraṇā bhavati sarvānindriyakṛtānpāpānnāśayati tena nāsīti katamañcāsyāḥ sthānaṃ bhavati dhruvordhrāṇasya yaḥ sa eṣa dyaurlokasya parasya ca sandhirbhavati evamevaitaṃ sandhiṃ sadhdyāṃ brahmavid upāsata iti so vimukte upāsyo yo'vimukte jñānamācaṣṭe yo vai etadevaṃ vedeti pṛthivyāmeva | anuḥ prasiddhau kuruśabdaḥ pāpavācī kutsitāvaraṇajanakatvāttasya kṣetraṃkṣepaṇāttrāṇakaraṃ pāpakṣayakaraṃ devānāmapi devayajanaṃ brahmopāstisthānaṃ sarveṣāṃ bhūtānāṃ bhavanti utpadyante tāni bhūtāni utpattidharmakāṇi jarāyujāṇḍajasvedajodbhijñāni teṣāṃ brahmasadanaṃ brahmaprāptikaraṃ sthānam