Tirthendushekhara 2.p24

2.p24

purāṇe madīyamuvimuktamityasya kalpitabhedena madādhārabhūtavimuktamityarthaḥ| indriyakṛtā doṣā rāgadveṣādayaḥ tatkṛtāni pāpāni surāpānabrahmavadhādīni | sarvānindriyakṛtānpāpānityatra liṅgavyatyayaśchāndasaḥ | kacitpāpānināśayati tena nāsīti pāṭhaḥ | ghrāṇaśabdena (ghrā ) prāṇa vāyusañcārakaghrāṇamūlamucyate| dyulokatatparalokayoḥ sandhiḥ sandhyeti cocyate saḥ evamevatāṃ sandhyāṃ brahmavido bhūrusthā vimuktatvenopāsate | īśvaro'vimuktatvena dhyāto'sminsthāne upāsyaḥ yo'vimukte jñānamācaṣṭe | tathopāsakā nāmapi vārāṇasīmṛtānāmiva yaścaivamupāsanāprakāraṃ veda tasya ceti | tatra bhūruthe kṣetre mukhyo'vimuktaśabdaḥ tadāropasthānādgauṇyā bhrūmadhyamapi | tādṛśyādbuddho'pyavimuktaḥ tatprasādalabhyatvājjñānamapyavimuktam | jñānasādhanadhyāne'pi lakṣaṇayā'vimuktaśabdaḥ yathā bhrūghrāṇasya varaṇānāsītvaṃ gauṇamevaṃ tayoḥ sandhyāvimuktatvaṃ gauṇam, asyāṃ śrutau bhrūghrāṇameva varaṇānāliśabditaṃ na tu prasiddhamiti śāṃkarabhāvyokteḥ | yadā yogī sandhimātraniṣṭho bhavati tadā sarvadoṣapāpanāśo prasiddham | bhavatīti evañca bhūruthaṃ kṣetramitaranirapekṣaṃ mokṣajanakajñānasādhanamitaradupāsanāsāpekṣamiti bodhyam