Tirthendushekhara 2.p25

2.p25

varaṇānāsisaṃjñaṃ yattatsthānaṃ sarvadehinām | bhruvorghāṇasya yaḥ sandhistasminneva pratiṣṭhitam || madīyayavimuktaṃ taccintanīyaṃ mumukṣubhiḥ | kevalaṃ cintanenāsya sarvapāpaṃ praṇaśyati || itiparāśaropapurāṇāt | tathā tatraivapurā'triḥ śraddhayā pūrvaṃ puṇyarāśibalena tu | yājñavalkyaṃ muniśreṣṭhamapṛcchajjñānasādhanam || yogīśvaro muniśreṣṭhaḥ sākṣādvijñānasiddhaye | māmupāsyatayā prāha sākṣādvijñānasiddhaye || anye ca yogino'dhyātma bhruvorghāṇasya madhyame | prakāśamaṇḍalaṃ śuddhaṃ varaṇānāsikābhidham || kevalaṃ bhāvanāgamyamupadiśya sulocane ! | tanmadhye māmakaṃ kṣetramavimuktasamāhvayam || oṅkārahṛdayaṃ sūkṣmamupadiśya tataḥ param | tadagre māmanādyantamaśaktaṃ sarvavastuni || mokṣasādhanavijñānasādhanatvena kevalam | prāhuḥ sarvamumukṣūṇāmupāsyatvena kevalam || bhruvorghāṇasya yaḥ sandhistaṃ dhiyāmaranāsike | dyulokasya parasyāyaṃ sandhirityapi bhāvayet || sandhisaṃjñaṃ ca māmevaṃ sandhibhūtamupāsate