Tirthendushekhara 3.p22
Tīrthenduśekhara 3.p22
- Language
- Sanskrit
3.p22
vihāya kāmamarthaṃ ca dambhaṃ mātsaryameva ca | pratigrahaparāvṛttaḥ śāntidāntisamanvitaḥ || akurvan kaluṣaṃ karma samaloṣṭāśmakāñcanaḥ | pañcākṣaraparo nityaṃ niṣeveta vibhoḥ purīm || gṛhī ceddharmanirato bahirarjitavittabhuk | vyavahāropayogyatra gṛhṇanvā vimalaṃ vasu || priyātithistīrthaparo niṣeveta vibhoḥ purīm | svasvajātyanusāreṇa yo dharmo yasya kalpitaḥ || tattaddharmarataireva sevyā vārāṇasī purī | anyaiḥ saṃsevyamānā sā kīkaṭānnātiricyate