Vratakanda 6.p161
Vratakāṇḍa 6.p161
- Language
- Sanskrit
6.p161
namo'stu gajarūpāya gaṇānāṃ pataye namaḥ | merumandararūpāya namaḥ kailāsavāsine || virūpāya svarūpāya¹ namaste brahmacāriṇe | bhaktastutāya devāya namastubhyaṃ vināyaka || tvayā purāṇaṃ sarveṣāṃ devānāṃ kāryasiddhaye | gajarūpaṃ samāsthāya ²trāsitāḥ sarvadānavāḥ || ṛṣīṇāṃ devatānāṃ ca ³nāyakatvaṃ prakāśitam | yatastataḥ surairagraiḥ pūjyase tvaṃ vināyaka || tvāmārādhya gaṇādhyakṣaṃ sarvajñaṃ kāmarūpiṇam | kāryārthaṃ raktakusumai raktacandanavāribhiḥ || raktāmbaradharo bhūtvā caturthyāmarcayejjapet | trikālamekakālaṃ vā niyato niyatāśanaḥ || rājānaṃ rājaputraṃ vā rājamantriṇameva vā | rājyaṃ vā sarvavighneśo ⁴vaśīkuryāt sarāṣrṭakam || avighnaṃ ⁵tapaso mahyaṃ kuru vighnavināyaka | mayā tvaṃ saṃstuto bhaktyā pūjitaśca viśeṣataḥ || yatphalaṃ sarvatīrtheṣu sarvayajñeṣu yatphalam | tatphalaṃ ⁶samavāpnoti ⁷stutvā devaṃ vināyakam || viṣamaṃ na bhavettasya na ca gacchet parābhavam | na ca vighno bhavettasya jāto jātismaro bhavet
Linked texts (3)
- Kṛtyakalpataru — Lakṣmīdhara Bhaṭṭa, Sanskrit
- Jayasīṃhakalpadruma — Ratnākara 1688, Sanskrit
- Vratakhaṇḍa — Hemādri, Sanskrit