Vratakanda 6.p495

6.p495

jyeṣṭhe paśupatiṃ nāma gavāṃ śṛṅgodakaṃ pibet || japtvā paśupatiṃ vipra gavāṃ koṭiphalaṃ labhet | kṛṣṇāṣṭamyāmathāṣāḍha ugraṃ nāma prakīrtayet || prāśayedgomayaṃ tatra sautrāmaṇiphalāṣṭakam | ¹imaṃ yo japate mantraṃ sarvasiddhipradāyakam ||² śarveti śrāvaṇe proktaḥ ³sarvapāpakṣayaṃkaraḥ | ⁴naktaṃ tu prāśayedarkaṃ japanmantraṃ ⁵subhāvitaḥ || varṣakoṭiśataṃ sāgraṃ rudraloke mahīyate | tryambakaṃ tu ⁶japeddevaṃ māsi bhādrapade'ṣṭamīm || prāśayeta bilvapatramabda⁷dīkṣāphalaṃ labhet | tryambakaṃ saṃsmarettatra caikacittaḥ subhāvitaḥ || ⁸māsi cāśvayuje vīra prāśanaṃ taṇḍulodakam | nāmnā ceśaṃ smareddevaṃ puṇḍarīkāṣṭakaṃ labhet || rudraṃ tu kārtike māsi dadhi prāśya subhāvitaḥ | rātrau tu saṃsmaredrudraṃ⁹ sarvapāpapraṇāśanam || agniṣṭomasya yajñasya phalāṣṭakamavāpnute | mantrahīnā kriyā nāsti mantrahīnaṃ¹⁰ na sidhyati || mantreṇa hi vinā devi yatnenāpi vṛthā bhavet