Vratakhanda 109.p1.9

109.p1.9

japannāmāni† pūrvvañca mahādeveti kathyate
caitre sthāṇuṃ samabhyarcya pūjayan bhaktayammadhu
rātrau samprāśya vidhivadanāhāraḥ svapenniśi
sthāṇuṃ japtyā mahāmantramaśvamedhāṣṭakaṃ bhavet
kuśodakaṃ vai vaiśākhe śivaṃ devaṃ prapūjayet
mantraṃ tatra śivaṃ japtvā naramedhaphalaṃ labhet
jyeṣṭhe paśupatiṃ nāma gavāṃ śṭaṅgodakaṃ pibet
japtvā paśupatiṃ vipra gavāṃ koṭiphalaṃ labhet
kṛṣṇāṣṭamyāmaṣāḍhe ugraṃ nāma prakīrttayet
prāśayeṅgomayaṃ tatra sautrāmaṇiphalaṃ labhet
ugraṃ japati yomantraṃ sarvvasiddhipradāyakam
naktantu prāśayedarghyaṃ smaran mantraṃ subhāvitaḥ
sarvveti śrāvaṇe proktaḥ sarvvakāmakṣayaṃ phalam
tryambakantu japedaktaṃ smaran mantraṃ subhāvitaḥ
varṣakoṭiśataṃsāyaṃ rudraloke mahīyate
tryambakañca japedyovai māsi bhādre tathāṣṭamīṃ
prāprayedvilvapatrantu śrutidīkṣāphalaṃ labhet
tryambakaṃ saṃsmarettatra ekacittaḥ subhāvitaḥ
māsicāśvayuje vīra prāśanaṃ taṇḍulodakam
nāmnā īśaṃ smareddevaṃ puṇḍarīkāṣṭakaṃ labhet
rudrantu kārttike māsi dadhi prāśya subhāvitaḥ
rātrau saṃsmrate rudraṃ sarvvapāpapraṇāśanam
agniṣṭomasya yajñasya phalāṣṭakamavāpnuyāt
mantrahīnaṃ kriyāhīnaṃ bhaktihīnaṃ na sidhyati
mantreṇa hi vinā devi yatnenāpi vṛthā bhavet
tatsrvvaṃ ca prayatnena mantrametamudīrayet
samāpte tu vrate devi varṣānte tu mahāphalam
yasyaiva tu prasādena padaṃ yāti nirāmayam
hemante śiśirecaiva tathā śaradi śobhane
vrataṃ nivedayet śambho tvatprasādāt sureśvara
sampūrṇaṃ hi vrataṃ deva kṛtaṃ paramapūjitam
evaṃ nivedya deveśa sānnidhyo bhava śaṅkara