Vratakanda 6.p522

6.p522

nīlavaiḍūryasaṃkāśān¹ samūlān puṣpavarjitān| ²vivatsakāṃstathā sāgrānṛjūndabhan dvijottama ||³ gṛhītvā kārayeddevaṃ nīlakaṇṭhamumāpatim | umāṃ ca tāṃ satīṃ devīṃ vidhivadbrahmasattama⁴ || pūjayedgandhamālyaistu phalairbhakṣyairanekaṃśaḥ | nānāprekṣaṇakaiścaiva mukhavādyaiśca suvrata || evaṃ yaḥ kurute bhaktyā hyumāmāheśvaraṃ vratam | ⁵khamekamekaṃ viprendra sa yāti ⁶paramaṃ padam || caturbhiḥ pāraṇairevaṃ khamekaṃ kīrtitaṃ budhaiḥ | prathamaṃ tu tribhirmāsaiḥ pāraṇaṃ kārtikādibhiḥ || kārtike mārgaśīrṣe tu pauṣe māsi tathā ⁷mune | unmattakasya puṣpaistu ⁸dhūpaiścaiva yathoditaiḥ || ⁹pūjayedgandhamālyaistu phalairbhakṣyairanekaṃśaḥ | nānāprekṣaṇakaiścaiva mukhavādyaiśca suvrata || ya evaṃ kurute bhaktyā pūjayedvidhivacchivam | śrīkhaṇḍacandanenainaṃ śvetena tu vilepayet || sājyaṃ tu guggulaṃ dadyānnaivedyaṃ pāyasaṃ param | snānaṃ tu pañcagavyena prāśanaṃ ca pravartayet