Vratakanda 6.p523

6.p523

mahādeveti vai nāma ¹devī gaurīti paṭhyate | ²māghe tu phālgune māsi tathā caitre dvijottama mālatīkusumairdevaṃ kusumairmudgarasya ca | virūpākṣeti vai nāma devyā nāma umeti ca || pūjayedvidhivaddevaṃ dhūpenāgaruṇā vibhum | kuṅkumena tathā bhaktyā vidhivaccopalepayet || dadhnā śālyodanaṃ dadyānnaivedyaṃ śūlapāṇaye | ³kuśodakaṃ tathāśnīyādātmanaḥ kāyaśuddhaye || vaiśākhe tu tathā jyeṣṭhe'pyāṣāḍhe ca japeddharam | karavīrasya puṣpaistu tathā raktotpalairmune || prājāpatyena dhūmena ⁴rasālāmodakaistathā | śivaḥ śivā ca vai nāmnī⁵ tayorvipra prakīrtite || snānaprāśanayoḥ śastā ghṛtakṛṣṇatilā budhaiḥ | agaruṃ sihlakaṃ dhūpaṃ prājāpatyamiti smṛtam || śrāvaṇādiṣu māseṣu jātīpuṣpakadambakaiḥ | pūjayedvidhivaddevaṃ tripurāntakaraṃ param || ⁶catuḥsamena deveśamarcayedvidhivanmune | dhūpenāgarumiśreṇa kṛśarāpūpapāyasaiḥ || ebhiryaḥ pūjayeddevaṃ caturbhiḥ pāraṇairharam | caturvargamavāpnoti kāmayāno na saṃśayaḥ