Vratakanda 6.p537
Vratakāṇḍa 6.p537
- Language
- Sanskrit
6.p537
gorocanācandanakuṅkumena devaṃ samālabhya ca pūjayecca | ¹prīyasva dīno'smi bhavantamīśaṃ śaśāṅkanāthaṃ praṇato'smi nityam || tatastu phālgune māsi kṛṣṇāṣṭamyāṃ yatavrataḥ | upavāsaḥ samuddiṣṭaḥ kartavyo dvijasattama || dvitīye'hni tataḥ snānaṃ pañcagavyena kārayet | pūjayetkundapuṣpaistu ²dhūpanaṃ candanena tu || naivedyaṃ saghṛtaṃ dadyāttāmrapātre guḍodanam | dakṣiṇāṃ ca dvijātibhyo naivedyasahitāṃ tathā³ || vāsoyugaṃ prayacchecca rudramuccārya⁴ nāmataḥ | caitre codumbaraphalaiḥ snānaṃ mandārakārcanam || guggulaṃ mahiṣākhyaṃ ca ⁵ghṛtāktaṃ dhūpayedbudhaḥ | samodakaṃ tathā sarpiḥ prīṇanaṃ vinivedayet || dakṣiṇāṃ caiva naivedyaṃ ⁶mṛgājinamudāharet | ⁷ādye śravaṇamante cāpīdamuccārya ⁸nāmataḥ || prīṇanaṃ devanāthasya kuryācchraddhāsamanvitaḥ | vaiśākhe snānamuddiṣṭaṃ⁹ sugandhikusumāmbhasā
Linked texts (3)
- Vāmanapurāṇa — Vyāsa, Sanskrit
- Kṛtyakalpataru — Lakṣmīdhara Bhaṭṭa, Sanskrit
- Vratakhaṇḍa — Hemādri, Sanskrit