Vratakhanda 109.p1.24

109.p1.24

śaśāṅkanātha praṇato'smi nityaṃ
tatastu phālgune māsi kṛṣṇāṣṭamyāṃ yatavrataḥ
upavāsaḥ samuditaḥ karttavyo dvijasattama
dvitīye'hni tataḥ srānaṃ pañcagavyena kārayet
pūjayet kundapuṣpaistu dhūpayeccandanena tu
naivedyaṃ saghṛtaṃ dadyāttāsrapātre guḍodanaṃ
dakṣiṇāñca dvijātibhyo naivedyasahitāṃ mune
brāhmaṇebhyaḥ pradadyācca rudramabhyarcya nāmataḥ
caitre cendukharaphalaiḥ srānaṃ mandārakārcanaṃ
guggulaṃ mahiṣākhyañca ghṛtāktaṃ dhūpayedbudhaḥ
samodakaṃ tathā sarpiḥ prauśanaṃ vinivedayet
dakṣiṇāñcaiva naivedyamumākāntāya dāpayet†
nandīśvara namaste'stu idamuñcāryya nārada
prīṇanaṃ devanāthāya kuryyācca śraddhayānvitaḥ
vaiśākhe snānamuditaṃ sugandhikkuṅkumāmbhasā
pūjanaṃ śaṅkarasyoktaṃ bhūtasañjaribhirvibho
dhūpaṃ sūryyākhyapuṣpaistu naivedyaṃ saphalaṃ ghṛtaṃ
nāma jaganmayośeti kālajñeti vipaścitā
jalakumbhān sanaivedyān brāhmaṇebhyo nivedayet
upānadyugalaṃ chatraṃ dānaṃ dadyācca bhaktitaḥ
namaste bhaganetraghna puṣpadantavināśana
idamuccārayedbhaktyā prīṇanāya jagatpateḥ
āṣāḍhe jñānamuddiṣṭaṃ śrīphalairarcanaṃ tathā
dhustūrakasya kusumairdhūpārthaṃ sihmakaṃ tathā
naivedyaṃ saghṛtāḥ pūpāḥ dakṣiṇā saghatāstathā
namaste dakṣayajñaghna idamuccārayettataḥ
śrāvaṇe mṛgamadena snānaṃ jñatvārcayeddhariṃ
śrīvṛkṣapatraiḥ saphalairdhūpaṃ dadyāttathāguruṃ
naivedyaṃ saghṛtaṃ dadyāddadhipūrṇāṃstu modakān
dadhyodanaṃ kṛśarakāḥ kaṭidhānāḥ saśaṣkulāḥ
dakṣiṇāṃ śvetavṛṣabhaṃ dhenuñca kapilāṃ śubhāṃ
kanakaṃ raktavasanaṃ pradadyābrāhmaṇāya tu
gaṅgādhareti vaktavyaṃ nāma śambhośca paṇḍitaiḥ