Vratakanda 7.p8
Vratakāṇḍa 7.p8
- Language
- Sanskrit
7.p8
satya(tapā) uvāca— ko'sau dharaṇyāṃ saṃcīrṇa upavāso' mahāmune | kāni vratāni ca tathā tvetanme vaktumarhasi || durvāsā uvāca— ²mārgasya śuklapakṣe tu daśamyāṃ niyatātmavān | snātvā devārcanaṃ ³kṛtvā tvagnikāryaṃ yathāvidhi || śucivāsāḥ prasannātmā havyaṃ cānnaṃ susaṃskṛtam | bhuktvā pañcapadaṃ gatvā ⁴punaḥ śaucaṃ tu pādayoḥ || [...]tvāṣṭāṅgulamānaṃ tu kṣīravṛkṣasamudbhavam | bhakṣayeddantakāṣṭhaṃ tu tataścācamya yatnataḥ || spṛṣṭvā ⁵khāni tathādbhiśca ciraṃ dhyātvā janārdanam | śaṅkhacakragadāpāṇiṃ ⁶pītavāsaḥkirīṭinam || prasannavadanaṃ devaṃ sarvalakṣaṇalakṣitam | ⁷dhyātvā jalaṃ gṛhītvā tu bhānurūpaṃ janārdanam || dṛṣṭvārghyaṃ dāpayetpaścāt⁸ karatoyena mānavaḥ | evamuccārayedvācaṃ tasmin kāle mahāmune
Linked texts (6)
- Skandamahāpurāṇa (vulgate) — Sanskrit
- Varāhapurāṇa — Vyāsa, Sanskrit
- Kṛtyakalpataru — Lakṣmīdhara Bhaṭṭa, Sanskrit
- Vratakhaṇḍa — Hemādri, Sanskrit
- Kṛtyaratnākara (Caṇḍeśvara) — Caṇḍeśvara, Sanskrit
- Kṛtyamahārṇava — Vācaspatimiśra, Sanskrit