Vratakanda 7.p9

7.p9

ekādaśyāṃ nirāhāro ^1bhūtvāhani pare dvayaham | bhokṣyāmi puṇḍarīkākṣa śaraṇaṃ me bhavācyuta || evamuktvā tato rātrau devadevasya sannidhau | japannārāyaṇāyeti ^2svapettatra vidhānataḥ || tataḥ prabhāte vimale nadīṃ gatvā samudragām | itarāṃ vā taḍāgaṃ vā ^3gṛhītvā niyatātmavān || ānīya mṛttikāṃ śuddhāṃ mantreṇānena mānavaḥ | dhāraṇaṃ poṣaṇaṃ tvatto bhūtānāṃ devi sarvadā || tena satyena māṃ divye^4 pāpānmocaya mṛttike |^5 brahmāṇḍodaratīrthāni ^6karaiḥ spṛṣṭāni te rave || ^7bhavanti puṇyāni yato mṛttikāmālabhettataḥ |^8 tvayi sarve rasā nityaṃ sthitā varuṇa sarvadā || tenemāṃ mṛttikāṃ plāvaya māṃ pūtaṃ kuru mā ciram |^9 evaṃ mṛdaṃ raviṃ toyaṃ ^10prasādyātmānamālabhet || triḥ kṛtvā śeṣamṛdayā ^11kuṇḍamālikhya vai jale | ^12tataḥ snātvā naraḥ samyak ^13mantravaccopacārataḥ